كيف بد البيتكوين؟
عمرك حسيت قبل كدا انك متراقب؟
من حكومتك .....من شركتك من مراتك.... احنا كلنا متراقبين من مراتتنا بس دا موضوع اخاف اتكلم فيه فهانتكلم في موضوع تاني
انا هنا بتكلم عن مراقبه من انواع تانيه غير الانواع السابق ذكرها
يعني بتكلم عن بنوك او شركات عمرك ما سمعت عنها او اتعاملت معاها
ان الكل يبقا عارف عنك كل حاجه بتجيب فلوسك منين وبتصرفها في ايه مصادر الدخل والانفاق وقانون من اين لك هذا
الناس اتعودو ان هو دا الوضع الطبيعي الي ان حدث غير ذالك ومن حيث لاندري ظهر الجديد
فعليا من حيث لا ندري طلعلنا حاجه اسمها العملات الرقميه
عمله ديجيتال عمله في الهواء غير ملموسه وليس لها اي جهه تدعمها
حدش يقدر يتتبعها ولا يعرف رايحه فين ولا جايه منين
عمله مفيش بنك او حكومه تقدر تتحكم فيها ........اسمها البيتكوين
انت عارف يعني ايه بيتكوين؟
لا
صحيح
لا بقولك معرفش
طيب مج شاي والبقسماط وتعالي احكيلك من اول
البيتكوين هو عشيقتك اللي لو مراتاك قفشتك وانت معاها متشفهاش
حتي لو كنت في حضنها
العمله الشبح موجوده بس مش ملموسه
تقدر تتعامل بيها تبيع وتشتري بس متقدرش تمسكها في ايدك حتي لو بتاعتك
عمله سريه
مواطنين الانترنت هما اللي عملوها ليس لها حكومه ولا بنك
عمله زي اي عمله تقدر تتعامل بيها بيع وشراء
النهارده اي حد ممكن يشتري العمله دي بكل بساطه بتسجل في موقع وتشتري بالكريدت كارد الخاصه بك
البيت كوين اشتهرت جدا في نهايه 2017 لدرجه ان قيمتها السوقيه بقت بتنافس كتير من البنوك الكبيره اللي استهيفتها في اول ظهور
دا غير قلق حكومات العالم منها لانها ببساطه ممكن تستخدم في الانشطه الغير مشروعه
لانها خفيه محدش يقدر ييتبعا مخدارات سلاح وكل الحجات اللطيفه دي
الموضوع صحيح بد بالبيتكوين لكنه لم يقف عنده
النهارده العملات الرقميه بقت كتير وعلي كل لون
الايثيريوم ولايت كوين اشهر العملات الرقميه التي تعبت ظهور البيتكوين والدوج كوين التي كانت عباره عن هزار بين اتنين اصحاب وعلامه بينهم في التعامل علي الانتر نت ولكن الناس بدات تشتريها وتتعامل بها ووصلت قيمتها السوقيه 2018 الي نص مليار دولار
قانونيا اي عمله مصدرها غير البنك المركزي بتعتبر عمله لا مركزه مزوره ليس لها ضمان يغطي قيمتها من الذهب
بس الواقع بيقول غير كده
واقعيا البيكوين عمله موجوده فعليا والناس بتتعامل بها ومفيش حد ممكن يقول عليها مزوره لانها عمله غير مطبوعه
العملات الرقميه ممكن تكون تاني اعظم اختراع بعد الانترنت ذات نفسه
اييييون البتاع اللي انت قاعد قدمه وفاتح منه نافذه تصفح وبتقر منه الموضوع ده هو دا الانترنت
اختراع حل اشكاليه ان يكون في مجموعه من الناس او الانظمه بتتحكم في سعر العمله وكميتها والطباعه والبيع والشراء
بس خلق مشكله جديده وهي الا مركزيه يعني العملات هتبقي سداح مداح اي حد صحي بدري ممكن يعمل عمله جديده ويتداول بها بين الناس
اول شكل مبدي ظهر لفكره العملات الرقميه كان في الخمسينات او الستينات لما عملت ادراه داينرز كلاب الكريدت كارد واللي كانت اول بطاقه ائتمانيه اداره داينرز كلاب كانت بتسوق لها علي انها اعظم اختراع بعد الكهرباء
وان الفلوس الورقيه خلاااااص موضتها بطلت ومفيش حد هيشيل فلوس ورق بعد كده
ماهو ليه تشيل فلوس لما ممكن تشيل بطاقه تشتري بها كل شي وتدفع في اي مكان
ودا كان كافي ان الناس تقبل عليها بشل خرافي فاصبح نصف الشعب الامريكي يحمل البطاقه في منتصف السبعينات
وفي عصر امازون وجوجل واوبر وشركات التسويق الاون لاين فعليا العمله الورقيه اختفت نسبيا
الموضوع كله بقا ارقام رايحه جايه ودا اللي زود الاقبال علي العملات الرقميه
المشكله ان البيتكوين عمله مكشوفه كل المعاملات فيها ممكن الاطلاع عليها من اي كمبيوتر
ولان الحكومات دائما بتحب تتحكم في المعاملات الماديه بما يتناسب مع ان الدوله او مصالحها الاقتصاديه او رخامه منها علي الشعب وجدت المشكله .... انت مراقب
السوال هنا كان ازاي تتقدر تتعامل بالعملات الرقميه بعيد عن مراقبه الباشا الكبير
الفكره من الاول لها كلمه سر وهي .....ساتوشي ناكاموتا الاب الروحي للبيتكوين ويسمي عند العرب ساتوشي ابو موته
ودا مخترع البيتكوين وهو مش معروف في الحقيقه وتقريبا هنموت من غير ما نعرف من هو هذا الساتوشي
الاختراع الرئيسي اللي اخترعه ساتوشي وعمل النقله او الطفره في عالم العملات الرقميه هي منصه البلوك شاين
والبلوك شاين هو عباره عن سجل لكل المعاملات الخاصه بالبيتكوين الابتكار انه مش سجل علي جهاز واحد سهل تغير فيه السجل دا موجود علي كل جهاز بيتعامل بالعملات الرقميه الاف بل ملايين من النسخ لايمكن التزوير فيها واد اعظم من اختراع البيتكوين نفسه
لانها كلها بتتحدث تلقائيا في نفس الوقت لا يوجد مركزيه .......لا يوجد تزوير
الميزه في البلوك شاين ان مفيش مدير كل الشغل والمعاملات الموجوده تدار الكترونيا وفي مقابل انك تنزل منصه البلوك شاين ويكون عندك انتي ماينر انت بتساعد في حفظ المعاملات االرقميه وبيتحسب لك عدد عملات حسب قوه جهازك
او ما يسمي بالتعدين
التعدين هو ان جهازك بيستخدم كا حافظه لنسخه من البلوك شاين وتحديثها تلقايا في مقابل نسبه من العملات الرقميه
لو بتعدن بيتكوين فانت بتحفظ معاملات البيكوين وبتاخد نسبه حسب قوه الحفظ لدي الجهاز
البيتكوين انتشر بصوره واسعه بعد الانهيار الكبير لاسواق المال بامريكا ووجدت البنوك ان تتعامل به لجمع اموال الناس مره اخري وتعويض الخساره
المقال تفريغ لحلقه ماذا تعرف عن البيتكون ؟
احمد بحيري علي اليوتيوب والسوشيال ميديا